ފ. މަގޫދޫ ސްކޫލުގެ 2019 އަދި 2020 ވަނަ އަހަރުގެ އަހަރީ އިނާމް ދިނުމުގެ ރަސްމިއްޔާތު ބާއްވައިފިއެވެ. މިރަސްމިއްޔާތު އޮތީ މިމަހުގެ 2 ވަނަދުވަހުގެ ރޭގައެވެ. ރަސްމިއްޔާތު ޝަރަފްވެރި ކޮށްދެއްވީ މިނިސްޓްރީ އޮފް އެޑިޔުކޭޝަންގެ ޑެޕިއުޓީ މިނިސްޓަރ އަޙުމަދު މުޖާހިދުއެވެ.
މިރަސްމިއްޔާތުގައި 2019 ވަނަ އަހަރާއި 2021/2020 ވަނައަހަރު ފ. މަގޫދޫ ސްކޫލްގެ ބެސްޓް އޯލްރައުންޑަކަށް ހޮވުނު ދަރިވަރުން އިޢުލާނުކޮށް އިނާމުދިނުން އޮތެވެ. 2019 ވަނަ އަހަރުގެ ބެސްޓް އޯލްރައުންޑް ދަރިވަރަކަށް ހޮވުނީ ފ. މަގޫދޫ ޖޯޖެޑް ވިލާ ޢައިޝަތު މާޝީ ޢަބްދުﷲ އެވެ. 2021/2020 ގެ ބެސްޓް އޯލްރައުންޑް ދަރިވަރަކަށް ހޮވިފައިވަނީ ފ. މަގޫދޫ ނަޝީދާ މަންޒިލް މުޙައްމަދު ނާއިމުއެވެ.
އަހަރީ އިނާމު ދިނުމުގެ ރަސްމިއްޔާތުގައި އެރަށުގެ މުއައްސަސާތަކުގެ އިސް ބައެއް ފަރާތްތަކާއި ދަރިވަރުން ބައިވެރިވިއެވެ.
ޑެޕިއުޓީ މިނިސްޓަރ އަޙުމަދު މުޖާހިދުގެ މިދަތުރުފުޅުގައި ވަނީ ފ. މަގޫދޫ ސްކޫލުގެ މުވައްޒަފުންނާ ބައްދަލުކުރައްވައި، އެ ސްކޫލަށް ދިމާވެފައިވާ ދަތިތައް ޙައްލުކުރެވޭނެ ގޮތްތަކާ ގުޅޭ ގޮތުންވެސް މަޝްވަރާކުރައްވާފައެވެ.
