ހުޅުމާލޭގެ ދެވަނަ ފިޔަވަހީގައި އިމާރާތްކޮށްފައިވާ ކާމިލް ދީދީ ޕްރައިމަރީ ސްކޫލް ހުޅުވުމުގެ ރަސްމިއްޔާތު، މާދަމާ ހެނދުނު 7:15 ގައި ބޭއްވުމަށް ހަމަޖެހިފައިވާކަމަށް އެޑިޔުކޭޝަން މިނިސްޓްރީން ވިދާޅުވެއްޖެއެވެ. މިނިސްޓްރީ އޮފް އެޑިޔުކޭޝަނުން މަޢުލޫމާތު ދެއްވިގޮތުގައި ހުޅުމާލޭ ފޭސް 2 ގައި ހުޅުވޭ ފުރަތަމަ ސްކޫލް ހުޅުވުމުގެ މިރަސްމިއްޔާތު ޝަރަފުވެރިކޮށްދެއްވާނީ ރައީސުލްޖުމްހޫރިިއްޔާގެ ނައިބު ފައިޞަލް ނަސީމް އެވެ.
ހުޅުމާލޭގެ ދެވަނަ ފިޔަވަހީގައި އިމާރާތްކޮށްފައިވާ ކާމިލް ދީދީ ޕްރައިމަރީ ސްކޫލް ހުޅުވުމަށް ވަމުންގެންދިޔަ އެންމެ ފަހުގެ ތައްޔާރީތައް މިނިސްޓަރ ޑރ. ޢާއިޝަތު ޢަލީ ވަނީ ބައްލަވައިލައްވާފައެވެ. މިނިސްޓަރާއި އެ މިނިސްޓްރީގެ ޓީމްއެއް އެ ސްކޫލް އިމާރާތަށް ޒިޔާރަތްކުރައްވައި މަސައްކަތް ބައްލަވައިލެއްވީ އިހަށްދުވަހުއެވެ.
