ސްކޫލް މަދަރުސާ ތަކުގައި ” އަލްފާ” މެތަޑަށް ކިޔަވައިދޭން ފެށުމުގެ ކުރިން ޕްރިންސިޕަލުންނަށް ޚާއްޞަ ކޮށްގެން ކުރިޔަށް ގެންދާ އޮރިއެންޓޭޝަން ސެޝަނެއް އެން އައި، އީގައި ފެށިގެން ކުރިޔަށް އެބަދެއެވެ.
ގުލޯބަލް އެޑިޔުކޭޝަން ޓްރޭނިންގ އިންސްޓިޓިއުޓް ގެ ފައުންޑަރ ޑޮކްޓަރ ސުނީތާ ގާންދީ ގެ އެހީތެރިކަމާއެކު ކުރިޔަށް ގެންދާ، ” އެކްސަރލަރޭޓަޑް ލާރނިންގ ފޮރ އޯލް” ( އަލްފާ ) މެތެޑަށް ކިޔަވައި ދިނުމުގެ މައިގނޑު މަޤުޞަދަކީ، ދަރިވަރުންގެ ދިވެހި، އިނގިރޭޝި އަދި ހިސާބު ފެންވަރު މަތިކުރުމެވެ.
މިއަދު ހެނދުނު 8:30 އިން ފެށިގެން އޮންލައިން ކޮށް ކުރިޔަށްދާ މި ސެޝަންގައި އެކި ސްކޫލް ތަކުން 128 ޕްރިންސިޕަލުން ބައިވެރިވެލެއްވިއެވެ.
