ރާއްޖޭގެ ސްކޫލްތަކުގައި ގްރޭޑް 9 އަދި 10 ގައި ބަޔޮލެޖީ މާއްދާ ކިޔަވައިދެއްވާ ޓީޗަރުންނަށް އަމާޒުކޮށް މަސައްކަތު ބައްދަލުވުމެއް ނެޝަނަލް އިންސްޓިޓިޔުޓް އޮފް އެޑިޔުކޭޝަނުން ކުރިޔަށް އެބަގެންދެއެވެ.
ކެމްބްރިޖް (އައިޖީއެސްއީ) އަށް ކިޔަވައިދޭ ޓީޗަރުންނަށް ޚާއްސަ މިބައްދަލުވުމުގައި ރާއްޖޭގެ އެކިހިސާބުތަކުގައި ގްރޭޑް 9 އަދި 10 އަށްކިޔަވައިދޭ 28 ޓީޗަރަކު ބައިވެރިވެއެވެ. މިޓީޗަރުން ނިސްބަތްވަނީ 27 ސްކޫލަކަށެވެ.
މި މަސައްކަތު ބައްދަލުވުން ފެށުނީ އިއްޔެ ( 5 އޯގަސްޓް) ގައެވެ. 3 ދުވަހުގެ މުއްދަތަށް ކުރިޔަށް ގެންދާ ވޯރކްޝޮޕް ނިމޭނީ މާދަމާގައެވެ.
ވޯކް ޝޮޕް ގެ ފެސިލިޓޭޓަރަކީ ކެމްބްރިޖް ފަރާތުން މިތަމްރީން ދެއްވުމަށް ވަޑައިގެންނެވި ބޭފުޅެކެވެ.
